Viti

Vitia e nis mbarë këtë vit, Kryetari Haliti nënshkruan memorandum bashkëpunimi me organizatën ”Let’s Do It Kosova”

Nt/ Fushatat vetëdijesuese në shkollat e kësaj komune si dhe rivitalizimi i hapësirave të jashtme shkollore, do të bëhet përmes bashkëfinancimit të Komunës me këtë organizatë.

Komuna e Vitisë e ka nisë mbarë këtë vit që hymë, pasi që Kryetari i Komunës së Vitisë, Sokol Haliti ka nënshkruar të premten një memorandum bashkëpunimi me përfaqësues të organizatës “ Let’s Do It Kosova”, organizatë kjo e cila merret me ruajtjen dhe mbrojtjen e mjedisit në Kosovë.

Ky memorandum i bashkëpunimit mes Komunës së Vitisë dhe Organizatës “Let’s Do It Kosova” parasheh ngritjen vetëdijes kryesisht tek nxënësit në ruajtjen e mjedisit, konkretisht realizimin e trajnimeve për nxënës të shkollave fillore dhe të mesme të ulëta, në fushën e mbrojtjes së mjedisit

jetësorë. Po ashtu ajo ka për qëllim edhe ngritjen e vetëdijes ekologjike dhe përgjegjësisë mjedisore te nxënësit dhe komuniteti në përgjithësi.

Kryetari i Komunës ës Vitisë, Sokol Haliti,veç tjerash u shpreh se kjo komunë edhe vitin që lm pas, ka bërë shumë në largimin e deponive ilegale të mbeturinave për të cilat është vlerësuar pozitivisht jo vetëm nga qytetarët e saj, por edhe nga organizatat e ndryshme të cilët merrem me mbrojtjen e mjedisit.

Kryetari Haliti tha se shumë deponi ilegale pos që janë larguar ato janë shndërruar edhe në hapësira gjelbëruese për të gjithë qytetarët. Ai shtoj se pas aksioneve të shumta të pastrimit është e domosdoshme të ngritët vetëdija e qytetarëve në veçanti tek grupmoshat e reja që të ruajnë mjedisin.

Ndërkaq sipas memorandumit punët mes Komunës së Vitisë dhe organizatës “Let’s Do It Kosova” do të koordinohen në bashkëpunim me Drejtorinë Komunale të Arsimit në Viti. Kurse fushatat vetëdijesuese në shkollat e kësaj komune si dhe rivitlaizimi i hapësirave të jashtme shkollore, do të bëhet përmes bashkëfinancimit të Komunës me këtë organizatë.

Ndryshe në aktin e nënshkrimit të këtij memorandum. kanë marrë pjesë edhe Besnik Shabiu nga Organizata “Let’s Do It Kosovo” dhe Fatbardha Emini, Drejtoresh e Arsimit në Viti, e cila mirëpriti nënshkrimin e këtij memorandumi dhe u shpreh se kjo drejtori është e gatshme të punoj në këtë drejtim. i pranishëm në këtë takim ishte edhe Veton Ademi, Koordinator i këtij projekti për Komunën e Vitisë i cili po ashtu udhëheq edhe Drejtorinë për Bujqësi, Pylltari dhe Zhvillim Rural.Aziz Zuka

 

You Might Also Like