Tri fitore radhazi kanë bërë që Drita, e cila është aktualisht kampione e Kosovës në futboll, të ngjitet lart në tabelë.
Deri para pak javësh, Drita ishte në pozitën e parafundit, pozitë kjo që ekipet i largon nga Superliga, por kanë mjaftuar disa fitore radhazi dhe tashti Drita dalëngadalë po i afrohet kreut të tabelës.
Për momentin, ende pa mbaruar xhiroja e njëmbëdhjetë, Drita radhitet e pesta në tabelë me pesë fitore, një barazim e pesë humbje, duke tubuar 16 pikë. Ekipi bardh e kaltër nga Gjilani, ka një goldallim +5, ngase deri më tashti ka shënuar 21 gola dha ka pranuar 16. Për momentin, Drita ka sulmin më efikas në Superligë.
Në ndeshjen e radhës, Drita sërish do të jetë mysafirë dhe e do të ketë një ndeshje relativisht të lehtë, ngase do të jetë mysafire e KEK-ut në Obiliq, ekip ky që deri më tashti nga 11 ndeshje ka tubuar vetëm një pikë.
