ARSIMI, LAJME

Nxënësit e Gjilanit e kanë ruajtur suksesin e vitit të kaluar

Komiteti i Arsimit (KA) ka miratuar të mërkurën raportin e punës së drejtorisë së Arsimit për periudhën gjashtëmujore të këtij viti me disa vërejtje dhe sugjerime për përmirësimin e mëtejmë të gjendjes në këtë sektor si dhe është njoftuar me suksesin dhe mungesat e nxënësve të kësaj komune, për vitin 2015/2016. Kryesuesi i Komitetit, Arben Mehmeti ka thënë se kjo trupë komunale i jep mbështetje drejtorit të Arsimit në punën e tij të deritashme dhe kërkon prej tij që t`i ketë parasysh për të ardhmen vërejtjet dhe sugjerimet e anëtarëve të Komitetit.

Drejtori Nazmi Musa ka thënë se në arsimin e Gjilanit, në të tri nivelet e shkollimit, mësimet i kanë ndjekur mbi 18 mijë nxënës shqiptarë e turq, 12.816 prej tyre në nivelin 1-5 dhe 6-9, kurse të tjerët në shkollimin e mesëm (10-12).

Në nivelin 1-5 kanë vijuar 6398 nxënës. Prej tyre, me sukses pozitiv kanë dalë 6346 nxënës, ose mbi 99 për qind, kurse me sukses negativ kanë mbetur 20 nxënës, derisa të pa notuar janë 32 nxënës. Sa i përket mungesave, numri i përgjithshëm i tyre arrin në 21.148. Të arsyeshme janë 16.413 mungesa, kurse të tjerat, të pa arsyeshme.

Krahasuar me vitin e kaluar, suksesi është po thuaj se i njëjtë, me një rënie shumë të vogël, që nuk shkon as deri në një qind.

Kurse në nivelin 6-9, me sukses pozitiv kanë dalë 6.210 nxënës nga numri i përgjithshëm prej 6.372 nxënësve, 6 nxënës përsërisin klasën, kurse 28 figurojnë të pa notuar. Numri i mungesave te ky nivel i shkollimit është 66.194, prej tyre 35.466 janë të arsyeshme.

Në arsimin e mesëm të lartë, kanë vijuar mësimin 5.197 nxënës. Me sukses pozitiv kanë dalë 4430 nxënës, 42 përsëritin klasën, kurse të pa notuar janë 13 nxënës. Mungesat janë gjithsej 88.037, prej tyre 43.251 të arsyeshme.

Mësimin në gjuhën turke e kanë vijuar 25 nxënës dhe 24 prej tyre kanë përfunduar vitin me sukses të shkëlqyeshëm, ndërsa një ka mbetur me sukses të shumë mirë. Në arsimin e mesëm të ulët (6-9) kanë vijuar 21 nxënës. Njëzet kanë dalë me sukses pozitiv, ndërsa një figuron i pa

notuar. Shkollimin e mesëm në këtë gjuhë e kanë ndjekur 15 nxënës dhe që të gjithë kanë dalë me sukses pozitiv.

Fehmi Sylejmani (VV) e ka vlerësuar të mangët raportin. Sipas tij, raportit i mungojnë mungesat e mësimdhënësve, krahasimet e suksesit të nxënësve sipas lëndëve dhe ndërmjet gjysmë vjetorëve, sikurse mungojnë edhe arsyet për numrin e nxënësve të mbetur të pa notuar.

Shukrije Rapuca (PDK) ka kërkuar që Komiteti dhe Kuvendi të dalë me një rekomandim për ngritjen e cilësisë në arsim, që të mos ketë më nxënës që braktisin shkollimin, nxënës të pa notuar dhe kaq shumë mungesa.

Përndryshe, ajo tha se ka pikëpyetje nëse të gjithë nxënësit e një klase mund të kenë sukses të shkëlqyeshëm.

Leonora Bunjaku (PDK) ka thënë se për dështimet administrative në testin e maturës dhe të arritshmërisë, faji nuk duhet t`u lihet nxënësve, meqë ata nuk mund të viktimizohen për gjera të tilla, ndërkaq askush nga mësimdhënësit të mos nuk ndëshkohet.

Ajo përmendi edhe rastin e një maturanteje në Gjilan, e cila u viktimizua nëpër portale e rrjete sociale, sikur të kishte ajo e vetmja në Kosovë që ka kopjuar.

Bunjaku, Rapuca e Sylejmani, njëherësh kanë thënë se numri i mungesave është tepër i madh.

Idriz Ramadani (LDK), njëherësh mësimdhënës, i cili po ashtu është shprehur i shqetësuar për mungesat e nxënësve, ka thënë se një pjesë të fajit për këtë e kanë edhe prindërit, sepse ata i arsyetojnë fëmijët e tyre kur mungojnë.

Ramadani ka thënë se ka raste kur prindërit i thërrasin kujdestarët e klasës dhe u thonë se fëmija i tyre është i sëmurë dhe nuk mund të shkojë në shkollë atë ditë.

Anëtarët e KA kanë ngritur edhe çështje të tjera nga fusha e arsimit, të cilave u ka dhënë përgjigje drejtori Nazmi Musa. Ai tha se i mirëpret të gjitha vërejtjet dhe sugjerimet, kur ato janë në interes të arsimit, por ka kërkuar nga opozita të mos i politizojë gjerat. “Në raport i kam nënvizuar vetëm pikat kryesore, për t`i lënë vend diskutimit në Komitet”, ka thënë Musa.

Sipas tij, notimi i nxënësve është një problem kompleks, që lidhet kryesisht me etikën e mësimdhënësve, por nuk i ka përjashtuar as ndikimet e prindërve.

Musa ka thënë se arsimi në Gjilan, pos sukseseve, ka edhe sfida dhe ka nënvizuar buxhetin e pamjaftueshëm për investime kapitale, zvogëlimin e numrit të nxënësve në fshatra, reduktimin e normave mësimore, transportin e nxënësve, paralelet e ndara të shkollës së mesme Zhegër dhje të tjera.

Lexo më shumë ...

LAJME, Teatër

Gjilani rikonfirmoi se është Kryeqytet Kulturor i shqiptarëve

Nën përkujdesjen e kryetarit të Komunës së Gjilanit, në kuadër të Muajit të Mërgimtarëve, mbrëmë është dhënë premiera e shfaqjes “Vdekja aksidentale e një anarkisti”, nga Dario Fo, me regji të Erson Zymberit, e cila zgjoi interesim të madh të publikut.

Lexo më shumë ...

Sportet luftarake

Visar Rexhepi, boksieri më i mirë i turneut “Agim Rashiti”

Boksieri i ri gjilanas Visar Rexhepi është fitues i Turneut në Boks “Agim Rashiti”, i mbajtur në Gjilan, ku kanë marrë pjesë edhe boksierë nga vendet e rajonit dhe ato evropiane. Boksieri më me perspektivë u shpall Armend Xhoqaj, kurse tekniku më i mirë boksieri Anxhelo Merko Asanaj, ndërsa çifti më luftarak ishte ai i Violand Sylejmanit dhe Ondrej Schiler.

Lexo më shumë ...

Arti pamor

Piktorja që gjen inspirimin në ambientin ku jeton

Koha do t’i shlyej shumë gjurmë që i la njeriu e piktorja Magbule Xhemaili në pëlhurë i jetëson ato gjurmë, që me to të njihen gjeneratat e ardhshme, kurse për artdashësit këto piktura në vete përmbajnë histori, ndjenjën që t’i prekësh dhe janë të mbushura me përplot detaje.

Lexo më shumë ...

Trashëgimi

Gjilani qytet pa kinema

Objekti i kinemasë është mbuluar me reklama të kompanive ndërtimore, kurse në bazë të punëve që po bëhen, ai po shndërrohet në objekt afarist – banesor.

Ndërtesa e Kinemasë së Qytetit është mbuluar me reklama të kompanive ndërtimore, kurse prapa këtyre mbulojave po rrënohet objekti i kinemasë. A po shndërrohet kinemaja në objekt afaristo-banesor pyesin qytetarët, të cilët ka më shumë se një dekadë nuk kanë hyrë në këtë objekt ku do të duhej të shfaqeshin filma.

Si shumë objekte të tjera në komunën e Gjilanit, edhe ndërtesa e Kinemasë së Qytetit e ndërtuar në vitet tetëdhjeta mu skaj ndërtesës së Teatrit të Qytetit, është privatizuar nga Agjencia Kosovare e Privatizimit (AKP), por që prej se u privatizua, asnjëherë në të nuk u dha ndonjë film.

Në vitet tetëdhjeta të shekullit të kaluar,  në këtë objekt ishte e vështirë të gjendej një biletë nga interesimi i madh që mbretëronte për të parë filma, në të nëntëdhjetat shqiptarët u dëbuan prej aty e pas lufte për një kohë objekti i funksionalizua, në të u dhanë filma, bile më pas edhe u investua në të kur objekti u dha me koncesion dhe u paralajmërua se kinemasë do t’i kthej nami i dikurshëm, kurse pas privatizimit, objekti i kinemasë u bë strehë e qenve endacakë dhe ishte degraduar gati tërësisht.

Tashti, në këtë objekt kanë nisur punimet, por në bazë të asaj që shihet nga jashtë, objektit po i ndërrohet destinacioni. Projekti që shihet nga jashtë, nuk le të kuptohet se aty po ndërtohet një kinema, por se më shumë i ngjanë një ndërtesa banimi.

Kujtim Shahiqi, zyrtar për kulturë në Gjilan, thotë se është e dhimbshme që një qytet që ka më shumë se 100 mijë banorë, tash e sa dekada nuk ka një kinema. Shahiqi, thotë se pas luftës kinemaja pas luftës ishte në pronësi të komunës, ajo më pas u dha me qira, nisi të funksionalizojë, në të u investua dhe pas 4-5 muajsh veprimtarie ajo sërish u mbyll për t’u shfrytëzuar nga disa grupe folklorike. Në një nga valëe privatizimit kinemaja u shit dhe përkundër përpjekjeve të vazhdueshme kinemaja nuk u arrit të kthehet në funksion.

Shahiqi thekson se tashti duhet të gjendet ndonjë zgjidhje që qyteti mos të mbetet pa kinema nëpërmjet të ndonjë adaptimi në Shtëpinë e Kulturës, ku është e vendosur edhe biblioteka e qytetit, ndërkohë që në muajin tetor të këtij viti në Gjilan pritet që të hapet Biblioteka e Re e Qytetit, me çka do të kishte më shumë hapësirë për adaptimin e ndonjë objekti për kinema. Edhe kryetari i komunës së Gjilanit, Lutfi Haziri, ka dhënë idenë që ato pjesë të hapësirës së shtëpisë së kulturës që do të mund të lirohen do të mund të shfrytëzoheshin për kinema.

Në kohën kur në objektin e Kinemasë së Qytetit vazhdojnë goditjet e çekanëve, ngjitas më të, në Teatrin e Qytetit këtë fundjavë u dha një film, ai “Son Of Saul” që është filmi, i cili fitoi çmimin Oscar  në kategorinë filmi më i mirë i huaj. Filmi është bërë me regji dhe skenar të hungarezit Laszlo Nemes, ku trajtohet një fraksion i ngjarjeve tmerruese në Auschëitz gjatë vitit 1944. Ky film sikur ktheu shpresat e gjilanasve se një ditë ata do të mund të kenë kinemanë e tyre.

 

 

 

Lexo më shumë ...

Libri

Poeti që nuk e kupton jetën pa poezi e pa liri

Mehmetali Rexhepi është një krijues origjinal, me lartësi të stilit, ka theksuar Nexhat Buzuku, referues.

Lexo më shumë ...

Teatër

Një jetë kushtuar teatrit

 Jashar Shahiqi, doajen i Tetarit të Gjilanit deri më tashti është paraqitur në mbi 100 role, për të arritur kulmin e karrierës me shfaqjen “Darka e Fundit” të Teki Dervishit, me regji të Agim Selimit, e cila ishte shpallur shfaqje e dekadës në mbarë trojet shqiptare e ku aktori gjilanas pati rolin kryesor.

Lexo më shumë ...

Gjilan

Rruga Gjilan-Pogragjë, ia kthen dinjitetin qytetarëve të kësaj ane

Gjilan,  24 korrik 2016 – Kryetari i Komunës së Gjilanit, Lutfi Haziri, i shoqëruar nga drejtori i Shërbimeve Publike, Naser Korça, kanë parë nga afër sot finalizimin e punimeve në asfaltimin e rrugës Gjilan-Pogragjë.

Lexo më shumë ...

Gjilan

Vunë gurëthemelin e shtëpisë për një familje skamnore në Verbicë të Zhegocit

Komuna e Gjilanit së bashku me donatorët, vëllezërit Burhan dhe Basri Hyseni, kanë vënë sot gurëthemelin e ndërtimit të shtëpisë për familjen pesë anëtarëshe të Përparim Halilit në Verbicë të Zhegocit, i cili deri tani ka jetuar në gjendje të rëndë të banimit.

Pas vënies së gurëthemelit, kryeari i Komunës së Gjilanit, Lutfi Haziri, ka falënderuar vëllezërit Hyseni për këtë donacion, i cili vije pas organizimit të mbrëmjes humanitare “Pak nga ne, shumë për ata”, të organizuar në nëntorin e vitit 2014.

“Unë i falënderoj vëllezërit Burhan dhe Basri Hyseni, dy gjilanasit që jetojnë dhe punojnë në Zvicër me familje, për donacionin që e kanë ndarë për familjen e Përparim Halilit në Verbicë të Zhegocit. Është familje pesë anëtarëshe e cila ka jetuar në gjendje jashtëzakonisht të rëndë dhe ka qenë në listën e Komunës që është përzgjedhur nga vetë donatori”, ka thënë Haziri.

Haziri ka bërë të ditur se nga fondi i Komunës janë duke i rindërtuar edhe 38 objekte sipas kërkesave të qytetarëve, janë duke paguar qira për 40 familje, ndërsa ka paralajmëruar se gjatë verës do të nisin të ndërtohen edhe 6 shtëpi të tjera.

“Ne do të vazhdojmë me aksionin solidar falë donatorëve që po vijnë nga njerëzit vullnetit të mirë si Burhani e Basriu, të cilët ndajnë nga pasuria dhe nga të ardhurat e familjes për t’iu ndihmuar familjeve skamnore. Nga Fondi i Komunës, ne jemi në rindërtim të 38 objekteve, do të vazhdojmë të paguajmë qira për 40 familje, ndërsa edhe 6 shtëpi të tjera gjatë verës do të fillojnë të ndërtohen. Dallimi jonë me komunat tjera është që ne i ndërtojmë shtëpitë me çelësa në dorë”, është shprehur kryetari i Gjilanit.

Donatori Burhan Hyseni ka shprehur gëzimin që shumë shpejt familja Halili nga Verbica e Zhegocit do të hyjë në shtëpi të re, ndërsa ka konfirmuar se ky nuk do të jetë donacioni i fundit.

“E falënderoj Zotin që na e ka dhënë mundësinë që ta ndihmojmë këtë familje me gjendje shumë të rëndë. Po ndihem shumë mirë që po ia ndërtojmë shtëpinë Përparimit dhe ky nuk ka me qenë donacioni i vetëm. Sipas mundësive tona do të vazhdojmë të japim kontributin tonë edhe në të ardhmen”, tha Hyseni.

Fjalë falënderimi për kryetarin Haziri dhe donatorin ka shprehur Përparim Halili, i cili tregoi se deri tash ka jetuar në gjendje të tmerrshme.

“Unë kam jetu në gjendje shumë të keqe. S’ka pasë kushte me jetu në shpijën e vjetër sepse ka piku në tana anët. E falënderoj kryetarin për iniciativën dhe familjen Hyseni që po na ndërton shtëpinë. Zoti i shpërbleftë”, ishin fjalët e Përparimit.

Pas inaugurimit të shtëpisë, donatori Burhan Hyseni ia shpërndau disa pako ushqimore familjes së Përparim Halilit.

Përndryshe, në mbrëmjen humanitare “Pak nga ne, shumë për ata” të organizuar nën përkujdesjen e kryetarit Haziri në nëntorin e vitit 2014, u premtua ndërtimi i 11 shtëpive, ndërsa pas kësaj u lajmëruan edhe 26 donatorë të tjerë, duke u trefishuar premtimi publik.

Lexo më shumë ...

Kamenicë

Mustafa ngushëllon familjet e të rinjve kosovarë, viktima të sulmeve në Munih

Kryeministri Mustafa, po ashtu, ka theksuar se Qeveria dhe qytetarët e Republikës së Kosovës qëndrojnë pranë familjarëve të viktima dhe bashkëndjejnë dhimbjen, në këto momente të rënda për të gjithë.

Kryeministri Isa Mustafa, gjatë ditës, i ka dërguar një telegram ngushëllimi edhe Kancelares Gjermane Angela Merkel, duke i shprehur ngushëllimet dhe solidaritetin e qytetarëve dhe të Qeverisë së Kosovës.

Lexo më shumë ...