Futboll

Në Sadovinë të Jerlive fillojnë punimet në ndërtimin e fushës ndihmëse të futbollit

Kanë filluar sot me një solemnitet rasti në fshatin Sadovinë e Jerlive, punimet në ndërtimin e fushës ndihmëse të futbollit. Me këtë rast kryetari i Komunës së Vitisë, Sokol Haliti dhe Drejtori për Kulturë, Rini dhe Sport, Milot Lala, kanë marrë pjesë në fillimin e këtyre punimeve. Ata u mirëpritën jo vetëm nga banorët e këtij lokaliteti, por edhe nga sportdashësit. Ky projekt po realizohet në kuadër të bashkëpunimit të Komunës së Vitisë me Federatën e Futbollit të Kosovës dhe Ministrinë për Kulturë, Rini dhe Sport të Republikës së Kosovës.

Kryetari i Komunës së Vitisë, Sokol Haliti para fillimit të punimeve në ndërtimin e kësaj

fushe ndihmëse të futbollit, ndër tjerash ka falënderuar Ministrinë për Kulturë, Rini dhe Sport dhe Federatën e Futbollit të Kosovës në veçanti ish presidentin e ndier të FFK-së, legjendën e futbollit Kosovar, Fadil Vokrri por edhe Agim Ademi, presidentin e tanishëm të FFK-së që kanë mundësuar realizimin e këtij projekti në komunën e Vitisë. Kryetari Haliti po ashtu tha se kjo komunë në bashkëpunim me partnerët e saj po punon shumë në krijimin e hapësirave të mirëfillta për sportistët vitias duke përmendur se vetëm në një periudhë të shkurtë në komunën e Vitisë, kanë filluar punimet e ndryshme në sektorin e sportit si: stadiumi i qytetit të Vitisë, palestra sportive, rivitalizimi i stadiumit të “Vllaznisë” së Pozharanit ish anëtare e Supërligës së Kosovës e po e nisim edhe këtë fushë ndihmëse në Sadovinë të Jerlive.

Tutje ai tha se ata kanë punuar edhe në krijimin e fushave sportive në lokalitetet e ndryshme të kësaj komune. Kryetari Haliti tha se me realizimin e këtyre projekteve sportistët do të kenë hapësira më të mira për të stërvitur dhe të treguar sukseset e tyre.

Ndryshe, kjo fushë që po nis së ndërtuari në Sadovinë të Jerlove ishte një projket që ishte përfituar falë KF Vllaznia e cila vitin e kaluar ishte në Supërligë dhe ishte dasht të ndërtohej në Pozharan por Kuvendi komunal kishte marrë vendim me shumicë votash që kjo fushë të ndërtohej në Sadovinë!! Aziz Zuka

You Might Also Like