Sportet me dorë

KH Drita bëhet me kryesi të re

Sivjet Klubi i Hendbollit Drita arriti të inkuadrohet në play-off, ku u mposht nga kampioni i shumëfishtë KH Besa nga Peja. Vitin e ardhshëm mëton edhe më shumë, andaj qysh tashti ka filluar të riorganizohet, me të vetmin qëllim që në kampionatin e ardhshëm të bëjë edhe më shumë.

Klubi gjilanas është riorganizuar dhë është bërë me kryesi të re, andaj vitin e ardhshëm synon të prek kreun. Siq ka theksuar Luan Sllamniku, drejtues në KH Drita, ky ekip tashti ka kryesinë 12 anëtarësh, ku kryetar i KH Drita është zgjedhur Luan Keka. Luan Sllamniku ka marrë detyrën e drejtorit sportiv, kurse sekretar u zgjodh Kushtrim Musa.

Klubi mëton arenën ndërkombëtare, andaj që tashti ka zgjedhur kryetarin për diasporë e ky është trajneri i mirënjohur në Gjermani, Mitat Ferati.

“Jemi organizuar mirë dhe mendoj që do të kemi më shumë sukses në kampionatin në vijim. Kryesia e re ka rënë në ujdi që të sjellë 4 – 5 përforcime në lojtarë, sikurse që do të sjellim edhe një trajner cilësorë dhe ky do të jetë vetëm fillimi”, ka thënë Luan Sllamniku, drejtor sportiv në KH Drita nga Gjilani.

 

You Might Also Like